Մեծ Բրիտանիայի հայտարարությունը գոտեպնդո՞ւմ է ՔՊ-ին
Մենք բավականին լուրջ համագործակցություն ունենք եվրոպական մեր գործընկերների հետ, օրինակ՝ Ֆրանսիայի։ Այդ մասին այսօր ԱԺ-ում լրագրողների հետ զրույցում ասաց ՔՊ-ական պատգամավոր Վաղարշակ Հակոբյանը՝ ամեն կերպ խուսափելով պատասխանել հարցին, թե ինքն ինչպես է գնահատում Մեծ Բրիտանիայի պաշտպանության նախարարի հայտարարությունը, թե իրենք հարգում են ՀՀ-ի որոշումը՝ ՀԱՊԿ մասով։
Նա նկատեց, որ ցանկացած հայտարարություն գոտեպնդում է հայկական կողմին։ «Կարևոր է, որ մենք արձանագրենք՝ ՀՀ-ն սուվերեն երկիր է և բացի տնտեսական գործակցությունից կարող է նաև ռազմական գործակցություն ունենալ տարբեր երկրների հետ»,- ասաց նա։
Հակոբյանի խոսքով՝ պետք է բոլոր հնարավորություններն օգտագործեն ՀՀ անվտանգությունն ամրապնդելու համար։
Դիտարկմանը, որ ըստ քաղաքագետների՝ սա կարող է Հայաստանը դարձնել «Ուկրաինա 2», Վաղարշակ Հակոբյանն արձագանքեց՝ չի ուզում նման հարց քննարկել։
Մանրամասները՝ տեսանյութում։
