Ասել եմ ու կրկնում եմ՝ բանակցողը պետք է փոխվի։ Չի կարող բանակցողը որևէ հաջողության հասնել, երբ մյուս կողմն իրեն հրապարակավ համեմատել է կեղտոտ լաթի հետ, խմած, հարբած ծաղրածուի հետ։ Այս մասին այսօր լրագրողների հետ զրույցում ասաց ՀՀ երրորդ նախագահ Սերժ Սարգսյանը՝ խոսելով բանակցային այն իրավիճակի մասին, որն առկա է այսօր։
Հիշեցնենք, որ այսօր նախկին նախագահի «Բանակցային առաջնագծում» գրքի շնորհանդեսն էր։
«Մենք ադրբեջանցիների հետ չենք բանակցել, բանակցել ենք միջնորդների հետ: Մենք Ադրբեջանի հետ բանակցելու բան չունենք, իրենք ուզում են, որ ամբողջն իրենց լինի, մի բան էլ ավել, իսկ միջնորդներն ինչպես վերաբերեն այն մարդուն, որ մեկ այստեղ է թռչում, մեկ այնտեղ, մեկ՝ աջ, մեկ՝ ձախ, մեկ՝ Պրահա, մեկ՝ Մոսվկա։ Շատ դժվար կլինի իրավիճակը, երբ նրան փոխարինեն, բայց կարծում եմ՝ հնարավոր է»,-ասաց նա։
Սարգսյանը շեշտեց նաև, որ Հայաստանի որևէ հայտարարություն Բաքվին չի կարող զսպել։
«Միջազգային մի քանի ուժեր կան, որոնք կարող են Ադրբեջանին սաստել»,- հավելեց նախկին նախագահը։
Մանրամասները՝ տեսանյութում