30 տարի շարունակ բանակցային գործընթացում երբևէ Ադրբեջանի կողմից որպես կռվան, փաստարկ չի ներկայացվել Ալմա-Աթայի հռչակագիրը»:
Այս մասին ԱԺ-ում լրագրողների հետ ճեպազրույցում հայտարարեց «Պատիվ ունեմ» խմբակցության ղեկավար Հայկ Մամիջանյանը։ Խմբակցության ղեկավարը մատնանշեց Նիկոլ Փաշինյանի ներքաղաքական մանիպուլյացիաներ իրականացնելու նպատակով ներքաղաքական դաշտ բերված թեզերը։
«Այն է՝ Փաշինյանի կողմից շատ սիրված ցնդաբանությունը կապված 2010 թվականի «Վարչատարածքային բաժանման մասին» օրենքի հետ, որը վաղ թե ուշ դառնալու է Ադրբեջանի կողմից հերթական կեղծ կռվանը, իսկ գագաթնակետը ուրբաթ օրը տված Փաշինյանի «ինքնահարցազրույցի» ժամանակ ՄԱԿ-ի անվտանգության խորհրդի 4 բանաձևերի հիշատակումն էր»,-ասաց Մամիջանյանը։
Լրագրողի դիտարկմանը, թե այսքան ժամանակ Նիկոլ Փաշինյանին ԱԺ-ում հակարդարձող չի եղել, բավական է նա ձայնը բարձրացնի և նրա ձայնը լսելի կդառնա, Մամիջանյանը պատասխանեց․
«Ես համարում եմ, որ քաղաքականությամբ եմ զբաղվում, ոչ թե լաչառության մրցույթի մասնակցում»,-եզրափակեց Մամիջանյանը։
Պատգամավորը նաև նշեց, որ գոնե այս փուլում խմբակցությունը չի մասնակցելու Կառավարության հետ հարց ու պատասխանին։