Կիսաֆաբրիկատները զգալիորեն խնայում են ճաշ պատրաստելու ժամանակը, և, հետևաբար, մեզանից շատերի համար դրանք արդեն դարձել են ճաշի կամ ընթրիքի հեշտ տարբերակ: Սակայն սառեցված մթերքները, լավագույն դեպքում, չեն պարունակում օգտակար նյութեր, իսկ վատագույն դեպքում՝ կարող են վնասակար լինել առողջության համար։ Մենք խոսում ենք մի քանի ամենավնասակար կիսաֆաբրիկատների մասին։
Սառնարանային ընթրիքներ
Կարևոր չէ, թե ինչ ճաշատեսակի մասին է խոսքը՝ սառեցված լազանյա, ռիզոտո, թե հավի միս՝ սոուսով։ Այս բոլոր կիսաֆաբրիկատները կարող են վնասել: «Չնայած սառեցված կերակուրների մեջ, իհարկե, կան ավելի առողջարար տարբերակներ, դրանցից շատերը հայտնիորեն անառողջ են: Հիմնական պատճառներից մեկը նատրիումի մակարդակն է։ Սառեցված կերակուրները կարող են պարունակել մոտ 1000 մգ նատրիում, ինչը օրական առաջարկվող քանակի կեսից ավելին է, բացատրում է սննդաբան Քեյլի Մաքմորդին New York Post-ին տված հարցազրույցում։ «Նատրիումի չափից շատ օգտագործումը մեծացնում է հիպերտոնիայի, ինսուլտի և սրտի այլ հիվանդությունների ռիսկը»:
Եթե ժամանակը չափազանց արժեքավոր է ձեզ համար, դիետոլոգն առաջարկում է ուշադիր կարդալ փաթեթավորված սնունդը և ուշադրություն դարձնել բաղադրության մեջ պարունակվող նատրիումին։
Սառեցված պիցցա
«Սառեցված պիցցան բարձր կալորիականությամբ մթերք է, որը շատ կալորիաներ, աղ և ճարպ է պարունակում», — նշում է մեկ այլ սննդաբան Անժելա Լ. Լագոն։ Սննդակարգում ավելորդ աղն ու անառողջ ճարպն իրենց հերթին մեծացնում են սրտի հիվանդությունների, շաքարախտի և արյան ճնշման հետ կապված խնդիրների առաջացման վտանգը։
Սառեցված աղանդեր
«Սառեցված հացաբուլկեղենը կազմված է բարձր վերամշակված ածխաջրերից և շաքարից՝ առանց իրական սննդային արժեքի, էլ չասած քիմիական կոնսերվանտների», -նշում է Քեյլի ՄակՄորդին: Մասնագետի խոսքով՝ սառեցված աղանդերի կանոնավոր օգտագործումը հղի է «վատ» խոլեստերինի մակարդակի բարձրացմամբ, ինչը մեծացնում է սրտանոթային հիվանդությունների վտանգը։
Սառեցված կարտոֆիլ ֆրի
Արագ սննդի ռեստորաններից թարմ կարտոֆիլ ֆրին արդեն իսկ պարունակում է անառողջ ճարպեր և կալորիաներ: Եվ ենթարկվելով սառեցման՝ կորցնում է նաև իր վերջին օգտակար հատկությունները։ Այսպիսով, այս կիսաֆաբրիկատն ընդհանրապես որևէ արժեք չունի (իհարկե, բացի տրամադրությունը բարձրացնելուց), բայց կարող է վնասել։
Սառեցված համբուրգերներ և հոթ-դոգներ
Նման արագ սննդի ամենավտանգավոր բաղադրիչը մսային միջուկն է։ Վերամշակված միսը ամենավտանգավոր մթերքներից մեկն է, այն իր մեջ պարունակում է նատրիում և քիմիական կոնսերվանտներ, որը վտանգավոր են սրտի առողջությանը։ Եթե դուք չափից դուրս վերամշակված միս եք սիրում, սննդաբանն առաջարկում է սահմանափակվել շաբաթական մեկ չափաբաժնով: