ՌԴ նախագահի մամուլի քարտուղար Դմիտրի Պեսկովը հայտարարել է, որ չի ցանկանա մեկնաբանել ԱՄՆ նախագահ Դոնալդ Թրամփի՝ ռուսական նավթի վրա մաքսատուրքեր սահմանելու սպառնալիքները։
«Fox News»-ի լրագրող Ջեքի Հենրիխը գրել էր, որ Դոնալդ Թրամփի կարծիքով՝ Մոսկվան ձգձգում է Ուրաինայի հետ պատերազմը դադարեցնելու բանակցությունները։ Ըստ նրա՝ Թրամփը հիասթափված է Ռուսաստանի նախագահ Վլադիմիր Պուտինից։ Լրագրողն X-ում գրել է, որ Սպիտակ տունը դիտարկում է կոշտ պատժամիջոցներ կիրառելու տարբերակը, իսկ թիրախում «ռուսական ստվերային նավատորմն» է։
«Պուտինը բաց է Ուկրաինայի հետ քաղաքական և դիվանագիտական լուծում գտնելու համար: Այն փաստը, որ Ռուսաստանը, ամերիկյան կողմի հետ պայմանավորվածությունների համաձայն, հայտարարեց էներգետիկ ենթակառուցվածքի օբյեկտներին հարվածների մորատորիումին միանալու մասին, դրա ամենավառ ապացույցն է», - մամուլի ասուլիսի ժամանակ ասել է Կրեմլի ներկայացուցիչը։