Ֆրանսիայի ԱԳ նախարարը Ռուսաստանից պահանջել է «հստակ արձագանքել Թրամփի՝ խաղաղության առաջարկին»
Ֆրանսիայի արտաքին գործերի նախարար Ժան-Նոել Բարրոն Ռուսաստանից պահանջել է «հստակ արձագանքել Թրամփի՝ խաղաղության առաջարկին»։
Բարրոն նշել է, որ մի քանի շաբաթ առաջ Ուկրաինան համաձայնեց հրադադարի հաստատմանն առանց որևէ պայմանի, չնայած այն հանգամանքին, որ «Ռուսաստանը շարունակում է իր ռազմական հանցագործությունները»։
«Եվ ես կարծում եմ, որ այսօր Ռուսաստանը պետք է հստակ պատասխան տա հրադադարի հասնելու համար մեծ ջանքեր գործադրած Ամերիկայի Միացյալ Նահանգներին, խաղաղության գնալու պատրաստակամության մասին։ Կա՛մ այո է, կա՛մ ոչ»,- ասել է Ժան-Նոել Բարրոն։
