Ադրբեջանի ու Թուրքիայի պարտադրանքով պայմանագիրը ոչ թե խաղաղության, այլ կապիտուլացիոն ակտ է լինելու․ Դավիթ Գալստյան
Պետք է հասկանալ, թե Նիկոլ Փաշինյանի հիշատակած խաղաղության պայմանագիրն ինչ կետերից է բաղկացած: Եթե դա լինելու է Ադրբեջանի և Թուրքիայի պարտադրանքով, ապա այն չի լինելու խաղաղության պայմանագիր, այլ լինելու է կապիտուլացիոն ակտ։ Այս մասին այսօր MediaHub.am-ի հետ զրույցում ասաց ԱՀ ԱԺ «Արդարություն» խմբակցության ղեկավար Դավիթ Գալստյանը։
Հիշեցնենք, որ սեպտեմբերի 15-ին Հայաստանի Ազգային ժողովի նախագահ Ալեն Սիմոնյանը և ՀՀ ԱԳՆ նախարար Արարատ Միրզոյանը Հայաստանում գտնվող Արցախի խորհրդարանի պատվիրակության հետ քննարկել էին Հայաստանում և Արցախում վերջին օրերին տեղի ունեցող իրադարձություններին առնչվող մանրամասներ:
«Եթե հանրությանն իրենց խաղաղության պայամանագրի կետերը չեն ներկայացնում և հանրության կարծիքը չեն հարցնում, ապա պարտադրված խաղաղություն չի կարող լինել»,-ասաց նա։
Գալստյանի խոսքով՝ ժողովուրդը պետք է համախմբվի, իր կարմիր գծերը սահմանի և հետևողական լինի, որ օրվա իշխանությունն այդ կարմիր գծերը չտրորի։
Մանրամասները՝ տեսանյութում
Լիաննա Թորոսյան