Աննա Հակոբյանը հանդիպել է Զելենսկու հետ

Նիկոլ Փաշինյանի տիկին Աննա Հակոբյանը Կիևում հանդիպել է Ուկրաինայի նախագահ Վլադիմիր Զելենսկու և վերջինիս տիկնոջ հետ:

Այս մասին տեղեկանում ենք Հակոբյանի կողմից հրապարակված կարճ հոլովակից, թեև դրանում հանդիպման պահերը ֆիքսված էր լուսանկարի ձևաչափով:

Ուշագրավ է, որ Աննա Հակոբյանը հոլովակին ուղեկցող երաժշտություն է ընտրել Ջոն Լենոնի Imagine երգը, որը, ինչպես հայտնի է, այն մասին է, թե ինչպիսին է պատկերացումը խաղաղության մասին: Թե ինչ մեսիջ է այս անգամ այս երգով հղում Հակոբյանը մնում է միայն կռահել:

Հիշեցնենք, այս օրերին Աննա Հակոբյանը գտնվում է Կիևում, որտեղ մասնակցել է առաջին տիկնանց և ամուսինների ամենամյա գագաթնաժողովին։