Ուկրաինան հերքում է իր մասնակցությունը X սոցիալական ցանցի վրա կիբերհարձակմանը, երեքշաբթի հայտնել է Newsweek-ը՝ հղում անելով Գերագույն ռադայի արտաքին քաղաքականության և միջխորհրդարանական համագործակցության կոմիտեի ղեկավար Ալեքսանդր Մերեժկոյին։

Երկուշաբթի օրը սոցցանցի սեփականատեր, ամերիկացի ձեռնարկատեր Իլոն Մասկը հայտնել էր, որ X-ի դեմ խոշոր կիբերհարձակում է իրականացվել։ 

Միլիարդատերը նշել էր, որ մեծ համակարգված խումբ կամ երկիր է ներգրավված։ Ավելի ուշ նա պնդել էր, որ հարձակմանը ներգրավված են եղել ուկրաինական IP հասցեներ:

Ավելի ուշ Newsweek-ը հայտնել է, որ պաղեստինամետ հաքերային «Dark Storm Team» խումբը ստանձնել է X սոցիալական ցանցի զանգվածային խափանումների պատասխանատվությունը: