Հունաստանը փորձել է որսալ թուրքական ծովային պարեկային ինքնաթիռը, որը թռիչք էր կատարում ՆԱՏՕ-ի գործողության շրջանակներում։ Այս մասին հայտնում է Anadolu-ն՝ հղում անելով ազգային պաշտպանության նախարարության աղբյուրներին։

Գործակալության զրուցակիցն ասել է, որ Հունաստանը «կտրուկ ավելացրել է իր ագրեսիվ պահվածքը Էգեյան ծովում եւ Արեւելյան Միջերկրականում»։ Նրա խոսքով, անցյալ տարի Անկարան արձանագրել է Աթենքի կողմից Թուրքիայի օդային տարածքի և տարածքային ջրերի խախտման 1616 դեպք, իսկ այս տարվա 8 ամիսների ընթացքում՝ արդեն 1123-ը, իսկ օգոստոսի 15-ից, ըստ Անկարայի, դա տեղի է ունեցել 14 անգամ։

«Վերջին անգամ նման միջադեպ տեղի է ունեցել սեպտեմբերի 1-ին Հռոդոս կղզու վրա, Հունաստանը փորձել է որսալ թուրքական ծովային պարեկային ինքնաթիռը, որը խնդիր էր կատարում Միջերկրական ծովում ՆԱՏՕ-ի անվտանգության առաքելության շրջանակներում»,- գրում է թերթը։