Մեծ Բրիտանիայի վարչապետի թեկնածու Լիզ Թրասը լեզվի սայթաքում է թույլ տվել Պահպանողական կուսակցության իր գործընկերների հետ հանդիպման ժամանակ՝ խոսելով Ռուսաստանի առաջնորդ Վլադիմիր Պուտինի մասին, գրում է Daily Express-ը։

«Ես կշարունակեմ պայքարել Վլադիմիր Պուտինի համար»,- ասել է քաղաքական գործիչը Exeter-ում ունեցած ելույթի ժամանակ։

Դրանից հետո Թրասն ուղղել է՝ նշելով, որ մտադիր է պայքարել ՌԴ նախագահի դեմ։

Սեպտեմբերի սկզբին Պահպանողական կուսակցության անդամները կընտրեն այն քաղաքական ուժի առաջնորդին, որը կգլխավորի Մեծ Բրիտանիայի կառավարությունը։ Արտաքին գործերի նախարար Լիզ Թրասը և ֆինանսների նախկին նախարար Ռիշի Սունակը անցել են քվեարկության եզրափակիչ փուլ։ Ընդհանուր առմամբ, այդ պաշտոնին հավակնում էր 11 պատգամավոր, որոնցից 9-ը դուրս մնացին նախորդ փուլերում: