Ո՞րն է լոգանք ընդունելու օպտիմալ ժամանակը
Մաշկաբան Ջոշուա Ցայխները և նրա գործընկերները բացահայտել են օրվա լավագույն ժամանակը ցնցուղ ընդունելու համար։ Նրանց խոսքերն է մեջբերել Health-ը։
Ըստ Ցայխների՝ ցնցուղ ընդունելն օգնում է հեռացնել կեղտերը մաշկից, ուստի տրամաբանական է այն ընդունել ցանկացած ֆիզիկական ակտիվությունից հետո։
Նա նշել է, որ, ըստ վիճակագրության, սպորտով զբաղվող մարդիկ հաճախ նախընտրում են առավոտյան մարզվել, ինչի պատճառով էլ օրվա այս ժամին լոգանք են ընդունում։ Նաև առավոտյան հիգիենայի ընթացակարգերը թույլ են տալիս աշխուժացնել ու լվանալ գիշերային քրտինքը:
Այնուամենայնիվ, ըստ նրա, երեկոյան ցնցուղ ընդունելը իմաստ ունի։
Նրա խոսքով՝ օրվա այս ժամին ջրային պրոցեդուրաները կօգնեն մաքրել մաշկը աղտից և պաթոգեններից, որոնք նստել են դրա վրա օրվա ընթացքում, հանգստացնել նյարդային համակարգը, ինչը թույլ կտա պատրաստվել գիշերային հանգստի և բարելավել քնի որակը։ .
«Երեկոյան ցնցուղը օգտակար է մաշկային հիվանդություններ ունեցող մարդկանց համար, ինչպիսիք են էկզեմա կամ ալերգիա: Այս կերպ դուք կարող եք ազատվել փոշուց ու ծաղկափոշուց, որոնք կարող են սրել հիվանդությունների ընթացքը»,- պարզաբանել է մաշկաբանը։
Երեկոյան ջրի ընթացակարգերը օգտակար են նրանց համար, ովքեր ընտանիքում ունեն թուլացած իմունային համակարգ ունեցող մարդիկ: «Այս դեպքում ցնցուղը կօգնի լվանալ փողոցից բերված մանրէները»,- հավելել է մաշկաբանը։
Եզրափակելով՝ վարակաբան Թոմաս Ռուսսոն խստորեն խորհուրդ է տվել լոգանք ընդունել ոչ ավելի, քան օրը մեկ անգամ։ «Պետք է ընտրել՝ դա անել առավոտյա՞ն, թե՞ երեկոյան»,- ասել է բժիշկը։
«Շատ հաճախակի լոգանք ընդունելը կարող է մաշկը չորացնել, իսկ մազերը՝ փխրուն և աղոտ»,- ընդգծել է մասնագետը։
