Քիչ առաջ մամուլում լուրեր էին շրջանառվում, թե թշնամին առաջխաղացում է ունեցել Սյունիքի մարզի Իշխանասարի հատվածում։ Սահմանամերձ համայնքի ղեկավար Մարատ Պետրոսյանը MediaHub-ի հետ զրույցում կտրականապես հերքեց այդ լուրը։
Նրա խոսքով՝ համայնքում վիճակը խաղաղ է, 09:30֊ից կրակոց չի եղել, այսինքն՝ մեկընդմեջ ձայներ լսվել են, բայց կրակահերթ չի եղել։
«Գիշերն էր վիճակը լարված, հրետակոծում էին։ Թեև գյուղ արկ չի ընկել, բայց երեխաներին տարան Սիսիան, իսկ մեծերը վերադարձել են գյուղ։ Այստեղ ոչ մի վնաս չի եղել»,- ասաց համայնքապետը։
Ըստ Մարատ Պետրոսյանի՝ վնասն այն է, որ երեխաներն այսօր դասի չեն գնացել, բայց վաղվանից գնալու են ու շարունակելու են իրենց բնականոն կյանքը։
Նարե Գնունի