Այս պահին նորմալ է ամեն ինչ։ Դիրքերի ուղղությամբ էին կրակում, բայց գյուղը շատ մոտ է դիրքերին, լսելի էր, մոտ 30-45 րոպե կրակեցին։ Այս մասին այսօր MediaHub.am-ի հետ զրույցում ասաց Սյունիքի մարզի Ներքին Հանդի գյուղապետ Խաչատուր Բաղդասարյանը։

Հիշեցնենք, որ դեկտեմբերի 8-ին՝ ժամը 20:20-ի սահմանում, Ադրբեջանի ԶՈւ ստորաբաժանումները տարբեր տրամաչափի հրաձգային զինատեսակներից կրակ են բացել Ներքին Հանդի ուղղությամբ տեղակայված հայկական դիրքերի ուղղությամբ։ ՀՀ ՊՆ-ն հայտնել էր, որ հայկական կողմը կորուստներ չունի։ 

«Փառք Աստծո, կորուստներ չունենք, ադրբեջանական կողմից տեղյակ չենք՝ զոհ կամ վիրավոր ունեն, թե չէ։ Հիմա խաղաղ է, տարհանման կարիք չի եղել»,-ասաց համայնքապետը։

Լիաննա Թորոսյան