Դրամի փոխարժեքը՝ այսօր
Եղանակը՝ այսօր
Միջազգային

Իրանը հայտարարել է Հարավային Ամերիկայից կոկաին մատակարարող միջազգային թմրակարտելի վերացման մասին

Blog Image

Իրանի թմրանյութերի դեմ պայքարի ոստիկանության ղեկավարը հայտարարել է Հարավային Ամերիկայից կոկաինի մաքսանենգությամբ եւ տարանցմամբ զբաղվող միջազգային թմրակարտելի վերացման, ինչպես նաեւ երկու օտարերկրացիների ձերբակալության մասին, գրում է Mehr-ը։

Այս մասին շաբաթ օրը հայտարարել է Իրանի թմրանյութերի դեմ պայքարի ոստիկանության պետ, բրիգադային գեներալ Մաջիդ Քարիմին՝ ասելով, որ տարանցիկ երթուղու վրա գտնվող երկրներից մեկի ոստիկանության հետ համագործակցելուց եւ մասնագիտացված տեղեկությունների փոխանակումից հետո երկրի թմրամիջոցների դեմ պայքարի ոստիկանությունը տեղեկացվել է Հարավային Ամերիկայում գտնվող որոշ երկրների քաղաքացիների կողմից թմրանյութերի մաքսանենգության հանցախմբի գործունեության մասին:

Թմրամիջոցների դեմ պայքարի ոստիկանության պետի խոսքով՝ մաքսանենգները նպատակ են ունեցել Իմամ Խոմեյնիի միջազգային օդանավակայանի միջոցով մեծ քանակությամբ թմրանյութ մտցնել Իրան։

Գործողության ընթացքում ձերբակալվել են երկու օտարերկրյա քաղաքացիներ, որոնք պետք է Իրան տեղափոխեին իրենց ուղեբեռում թաքցրած ավելի քան 6 կիլոգրամ կոկաինը, հավելել է Քարիմին։

 

Send