MediaHub-ն այսօր առավոտվանից ահազանգեր է ստանում քաղաքացիներից, որ Երևանի տարբեր հատվածներում վարչական շրջանների աշխատակիցները, տնե-տուն ընկած, գրանցում են նկուղների առկայությունը:

Մեզ ահազանգած քաղաքացին Էրեբունի վարչական շրջանից է: Նրա խոսքով, հարցին, թե ինչո՞ւ են նկուղի առկայության մասին հարց տալիս, աշխատակիցները պատասխանել են՝ ուղղակի գույքագրում ենք:

Քաղաքացին նշեց, որ լսել էր, որ նման գույքագրում արվում է բազմաբնակարան շենքերի նկուղների մասով, որոնց մեծ մասը բնակիչները զբաղեցրել են ու, ըստ էության, նկուղները փակ են կամ տարատեսակ ապրանքներով լցված:

Բայց իրեն զարմացրել է այն հանգամանքը, որ սեփական տան բնակիչների նկուղերն են գույքագրում: