Իշխանությունը տապալեց ՀՀ Զինված ուժերի ներկա վիճակի, բանակում առկա խնդիրների վերաբերյալ քննարկումը, որը նախաձեռնել էր ԱԺ մարդու իրավունքների պաշտպանության մշտական հանձնաժողովի նախագահ Թագուհի Թովմասյանը։
Նիստին Թովմասյանից բացի ներկայացել էր ևս երեք հոգի, որոնցից մեկը «Հայաստան» խմբակցության պատգամավոր Գեղամ Մանուկյանն էր։
Նշենք, որ քննարկմանը հրավիրված է եղել նաև պաշտպանության նախարար Սուրեն Պապիկյանը, սակայն նրանից որէև արձագանք չի եղել։
«Այսօրվա քննարկումը տապալվեց, և տապալվեց Սուրեն Պապիկյանի ջանքերով։ Սա արձանագրումն է այն իրողության, որ հայոց բանակը մնում է բարձիթողի վիճակում։ Հունվարի 17-ին հրավեր էի ուղարկել ՀՀ պաշտպանության և ֆինանսների նախարարներին։ Պետք է քննարկեինք, թե ինչո՞ւ է բանակը դարձել ոչ գրավիչ, ինչո՞ւ են սպաները լքում Զինված ուժերը։ Երկու կողմից էլ ունեինք համաձայնություն՝ մասնակցելու այս հանդիպմանը։ Բայց մեկ ժամ առաջ Սուրեն Պապիկյանից ստացա գրություն, ըստ որի՝ ինքը նպատակահարմար չի գտնում մասնակցել այս քննարկմանը։ ՊՆ-ն աշխատում է միայն ՔՊ-ական պատգամավորների հետ»,- ասաց Թովմասյանը։