Խաղաղության պայմանագրի քննարկման հետ կապված բաց հարցերի թիվը զգալիորեն նվազել է․ Բայրամով
Ադրբեջանի արտաքին գործերի նախարար Ջեյհուն Բայրամովը խոսել է Հայաստանի հետ հարաբերությունների կարգավորման գործընթացի ներկա վիճակի մասին։
«Հասարակությունը պարբերաբար իրազեկվում է Հայաստանի հետ խաղաղության օրակարգի առաջնահերթությունների մասին։ Համաշխարհային հանրությունը գիտի, որ տասնյակ տարիներ շարունակվող օկուպացիայի փաստը վերացվել է։ 2021 թվականի հունվարին նախագահ Իլհամ Ալիևը բացեիբաց Հայաստանին առաջարկեց խաղաղության օրակարգ»,- ասել է Բայրամովը։
Նրա խոսքով՝ «Խաղաղության պայմանագրի քննարկման հետ կապված բաց հարցերի թիվը զգալիորեն նվազել է»։
«Ցավոք, Հայաստանի Սահմանադրությունը դեռևս տարածքային պահանջներ է պարունակում Ադրբեջանի նկատմամբ։ Որպեսզի խաղաղությունն ամբողջությամբ ձեռք բերվի, այդ գործոնը պետք է վերացվի»,- ընդգծել է ԱԳՆ ղեկավարը։
