ՀՀ-ն իր ընթացիկ ծախսերը հոգալու համար հավաքում է հարկեր, այդ հարկերը ամբողջովին բավարարում են թոշակ, աշխատավարձ և մյուս ընթացիկ ծախսերը հոգալու համար, գումարած մի քանի հարյուր միլիարդ էլ կապիտալ ծախսերի համար, բայց մենք ասում ենք՝ «էս մի քանի հարյուր միլիարդ ծախսը բավարար չէ, պետք է օրինակ ևս հարյուր միլիարդով ավելանա»։ Ինչու՞, որովհետև էսքան ճանապարհ ենք կառուցելու, էսքան դպրոց ենք կառուցելու, էսքան մանկապարտեզ ենք կառուցելու, էսքան ջրագիծ ենք կառուցելու, էսքան առողջապահական կենտրոն ենք կառուցելու և սրա համար ենք գումար ավելացնում։
Այս մասին այսօր ԱԺ արտահերթ նիստի ժամանակ ասաց «Քաղաքացիական պայմանագիր» խմբակցության պատգամավոր Գևորգ Պապոյանը։
«Եթե մենք այս 50 մլն եվրոն չվերցնենք, օրինակ ոչ թե 50 դպրոց կկառուցվի, այլ 40 դպրոց կկառուցվի, ոչ թե 550 կմ ճանապարհ կհիմնանորոգվի, այլ՝ 480 կմ ու այսպես շարունակ։ Մեր ՀՆԱ-ն նախորդ տարի ավելացել է 15․2 տոկոսով, իսկ այս տարի 8-9 տոկոսով կավելանա։ Մենք ճիշտ ճանապարհի վրա ենք»,- ասաց Պապոյանը։
Մանրամասները՝ տեսանյութում