Արցախում ևս չգիտեն, թե Լաչինի միջանցքը երբ է անցնելու Ադրբեջանի վերահասկողության տակ: Երբ մտնեն Բերձոր համաձայնեցնելու են ռուս խաղաղապահների հետ, ռուս խաղաղապահների հետ են հանձնման մանրամասների շուրջ խոսում։
«Որ այսօր չեն փակում ճանապարհը, վաղը չեն փակելու ռուսների հետ բանակցությունների արդյունք է, սպասում են մինչև ժամանակավոր գրունտային ճանապարհի ասֆալտապատումը ավարտվի։ 4 կմ 700 մետր երկարությամբ ճանապարհի մասին է խոսքը, որով կմիանա Հայաստանի սահմանին։ Հիմա ասֆալտապատման աշխատանքներ են ընթանում, կավարտեն մոտ 3 օրից, մինչ այդ կսպասեն»,-ասաց մեր աղբյուրը։
Նշենք նաև, որ մեզ վստահեցրեցին, որ տեղեկությունները, թե Վիտալի Բալասանյանի հետ ևս հանձնման գործընթացի մանրամասները քննարկում են, չափազանցված են։ «Բալասանյանի հետ նոր երթուղու հետ կապված տեխնիկական խնդիրներ էին քննարկել, այնպես չէ, որ Արցախի հետ քաղաքական խնդիրներ են քննարկում»,-ասացին Արցախից։
Հիշեցնենք, այսօր առավոտյան Արցախի Ներքին գործերի նախարարությունը տեղեկացրել էր, որ Արցախը Հայաստանին կապող միջպետական մայրուղու Շուշի-Բերձոր-Գորիս ճանապարհահատվածը երկկողմանի բաց է:
Անի Գևորգյան