Բժիշկը նշել է ծանր հիվանդությունների հայտնաբերման ամենատարածված տարիքը և ասել, թե ինչ անել մինչ այդ

Մահացու հիվանդությունների ախտորոշման ամենատարածված տարիքը 63 տարեկանն է։ Այս տվյալները բացահայտել է օրթոպեդ վիրաբույժ Վոնդա Ռայթը «Գլխավոր տնօրենի օրագիրը» փոդքասթի ժամանակ, գրել է «Daily Mirror»-ը։

Ըստ Ռայթի՝ միջին թվերի համաձայն, երբ մարդը թոշակի է անցնում, ամենից հաճախ նրա մոտ ախտորոշվում է մահացու հիվանդություններից մեկը՝ թոքերի քաղցկեղ, թոքերի քրոնիկ օբստրուկտիվ հիվանդություն, կրծքագեղձի կամ շագանակագեղձի քաղցկեղ։

Նրա խոսքով՝ մարդն այս տարիքում պարտադիր չէ, որ հիվանդանա։ «Ամենայն հավանականությամբ, հիվանդությունն ավելի վաղ է ի հայտ եկել, և դրա առաջացման նախադրյալները կարող էին տասնամյակներ շարունակ աննկատ լինել»,- բացատրել է Վոնդա Ռայթը։

Մասնագետը նշել է, որ նման սցենարից խուսափելու միակ արդյունավետ միջոցը կանխարգելումն է: «40 տարեկանը կրիտիկական տարիք է առողջությունը կարգի բերելու համար։ Եթե ​​որոշեք դա անել 63 տարեկանում, ապա ձեզ համար շատ ավելի դժվար կլինի»,- ընդգծել է բժիշկը։