Քիչ առաջ MediaHub—ը գրել էր, որ արձակուրդի մեջ գտնվող Նիկոլ Փաշինյանը Կառավարության շենքում է։
Մեր տեղեկություններով՝ Փաշինյանն այսօր փակ հանդիպման է հրավիրել փորձագիտական շրջանակների ներկայացուցիչներին, որոնց հետ պարբերաբար նման հանդիպումներ է ունենում: Ի դեպ, այդ հանդիպումները տեղի են ունենում կա՛մ կարևոր գործընթացների նախօրեին, կա՛մ պոստֆակտում:
Նշենք, որ երեկ ադրբեջանական մամուլը գրեց, որ Փաշինյանն ու Ալիևը կհանդիպեն օգոստոսի 8-ին Վաշինգտոնում, Սպիտակ տանը քննարկվելու է այսպես կոչված խաղաղության պայմանագիրը։ Մեր աղբյուրի փոխանցմամբ, Փաշինյանը պատրաստվում է այդ այցին։ Սակայն այս պահին պաշտոնապես դեռ չի հայտարարվել նրա` արձակուրդից վերադառնալու կամ այն ընդհատելու մասին։
Հիշեցնենք, պաշտոնապես Փաշինյանը մինչև օգոստոսի 15-ը գտնվում է արձակուրդում։