Օդեսայի նավահանգստի ռազմական օբյեկտներին հարվածը չի ազդի Ստամբուլում ստորագրված փաստաթղթերի համաձայն հացահատիկի առաքման մեկնարկի վրա։ Ուկրաինայի զինված ուժերի օբյեկտների վրա հարձակման հետևանքների վերաբերյալ նման գնահատական է տվել ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը. փոխանցում է РИА Новости-ն։
Կրեմլի խոսնակն ընդգծել է, որ հարվածը չի ազդել պայմանավորվածությունների կատարման ու հացահատիկի արտահանման մեջ ներգրավված ենթակառուցվածքների վրա։
Ավելի վաղ ՌԴ ԶՈւ-ն Օդեսայում ոչնչացրել էր ուկրաինական նավը և Harpoon հրթիռների պահեստը, որոնք մատակարարվել էին ԱՄՆ-ից։ Բացի դրանից՝ գործարկվել են Ուկրաինայի զինված ուժերի նավերի վերանորոգմամբ և արդիականացմամբ զբաղվող ձեռնարկության արտադրական օբյեկտները։
Իր հերթին, Ուկրաինայի նախագահ Վոլոդիմիր Զելենսկին մեղադրել է Մոսկվային Օդեսայի նավահանգստի հարվածով հացահատիկի արտահանման գործարքը ձախողելու մտադրության մեջ։