Որո՞նք են կազմվածքի համար ամենաանվնաս խմիչքները
Բոլոր ալկոհոլային խմիչքները կալորիական են և ախորժակ են առաջացնում: Ասել է սննդաբան Աննա Բելոուսովան։
Sputnik-ին տված մեկնաբանությունում մասնագետը նշել է դրանցից ամենաանվնասները։
«Նույնիսկ փոքր քանակությամբ ալկոհոլ օգտագործելը կարող է վնասել առողջությանը, խորացնել քրոնիկական հիվանդությունները և առաջացնել քաշի ավելացում»,- ասել է սննդաբանը։
Նա բացատրել է, որ նույնիսկ ցածր ալկոհոլային խմիչքները ախորժակ են առաջացնում, դրանք գալիս են բարձր կալորիականությամբ նախուտեստների հետ, և դրանք սպառվում են մեծ քանակությամբ։
Աննա Բելոուսովան նշել է, որ ամենաշատ կալորիաները պարունակում են թունդ ըմպելիքները, իսկ ամենաքիչը՝ չոր և կիսաչոր գինիները։ Ըստ այդմ, կարմիր և սպիտակ գինին ամենաքիչն է վնասում կազմվածքին։
«Կիսաքաղցր, քաղցր ու հարստացված գինիներն ամբողջովին «ոչ դիետիկ» ըմպելիքներ են։ Եթե ցանկանում եք նիհարել, ստիպված կլինեք հրաժարվել դրանցից»,- ամփոփել է Բելոուսովան։
