ԱՄՆ նախագահ Դոնալդ Թրամփը Սպիտակ տան Օվալաձեւ աշխատասենյակում լրագրողների հետ զրույցում սխալմամբ Իսպանիան անվանել է BRICS-ի անդամ, գրել են ԶԼՄ-ները։
«Նրանք BRICS երկիր են, Իսպանիան: Գիտե՞ք, թե ինչ երկիր է BRICS-ը: Դուք կհասկանաս», - ասել է նա լրագրողներից մեկին:
Թրամփը սպառնացել է առնվազն 100%-ով առևտրային մաքսատուրքեր սահմանել BRICS երկրների համար։ Համապատասխան հայտարարությունը նա արել է երկուշաբթի երեկոյան Սպիտակ տանը մի քանի հրամանագրեր ստորագրելիս։
«Մենք առնվազն 100% մաքսատուրք կսահմանենք այն բիզնեսի վրա, որը նրանք անում են ԱՄՆ-ի հետ: Դուք գիտեք, թե ինչ է BRICS-ը, չէ՞, գիտեք»,- ասել է նա:
«Դուք գիտեք, թե ինչի մասին եմ խոսում: Եվ դրա համար դա նույնիսկ սպառնալիք չէ: Փաստորեն, ես սա արդեն ասել եմ: Բայդենն ասաց <...>, նրանք մեզ այլընտրանք չթողեցին: Ես ասացի՝ «Ոչ, մենք նրանց ընտրություն չթողեցինք»», - հավելել է Թրամփը։