Ամերիկայի Միացյալ Նահանգների նախագահ Դոնալդ Թրամփը գործադիր հրաման է ստորագրել՝ 75 օրով հետաձգելու TikTok-ի արգելափակումն ԱՄՆ-ում։ Փաստաթղթի տեքստը հրապարակվել է Սպիտակ տան կայքում։

Փաստաթղթի համաձայն՝ ԱՄՆ արդարադատության նախարարությունը չի կարող 75 օրով տուգանել կազմակերպություններին TikTok-ի արգելափակում նախատեսող օրենքը խախտելու համար։ Տուգանքները չեն կարող կիրառվել նաև այս ժամկետի ավարտից հետո՝ արտոնյալ ժամանակահատվածում օրենքի պահանջները չկատարելու համար: ԱՄՆ գլխավոր դատախազը պետք է այդ մասին տեղեկացնի յուրաքանչյուր ծառայություն մատուցողին։