Ֆինլանդիան որոշել է ցանկապատ կառուցել Ռուսաստանի հետ սահմանին
Ֆինլանդիայի իշխանությունները ցանկանում են ցանկապատ կառուցել Ռուսաստանի հետ սահմանին՝ երկիրն անվտանգ դարձնելու նպատակով. այդ մասին հայտնում է երկրի ՆԳՆ-ն:
Հայտարարության մեջ նշվում է, որ ծրագրվում է ցանկապատ կառուցել Ռուսաստանի հետ արևելյան սահմանի կրիտիկական շրջաններում: Այդ կերպ իշխանությունները ծրագրում են պայքարել հիբրիդային բնույթի սպառնալիքների և քաղաքական ճնշման նպատակով միգրացիոն հարցի օգտագործման դեմ:
Շինարարության համար հանրապետության սահմանային ծառայությունը կստանա հավելյալ ֆինանսավորում:
