Վերջին երկու տարվա ընթացքում ՀԱՊԿ անդամ Հայաստանը նվազագույնը երեք անգամ Ադրբեջանի կողմից ագրեսիայի է ենթարկվել և մտահոգիչ է այն, որ ՀԱՊԿ-ը չկարողացավ զսպել Ադրբեջանին ագրեսիվ գործողություններից ու փաստացի մինչև այսօր մենք այդպես էլ չկարողացանք որոշման գալ՝ Ադրբեջանի կողմից ՀՀ նկատմամբ ագրեսիային ՀԱՊԿ արձագանքի մասով: Այս մասին Երևանում ընթացող ՀԱՊԿ ՀԱԽ նիստում հայտարարեց ՀՀ վարչապետ Նիկոլ Փաշինյանը։
«Այս փաստերը մեծ վնաս են հասցնում ՀԱՊԿ իմիջին ինչպես մեր երկրի ներսում, այնպես էլ դրա սահմաններից դուրս: Եվ ես հենց սա եմ գնահատում որպես գլխավոր անհաջողություն ՀԱՊԿ-ում ՀՀ նախագահության օրոք»,- ասաց Փաշինյանը:
Նա նաև հույս հայտնեց, որ ի վերջո կհաջողվի համաձայնեցնել դաշնակցային մոտեցումները և հասնել արդիական խնդիրների շուրջ համակարգված հավաքական փոխգործակցության: