Այսօր՝ ապրիլի 9-ին, ավտովթար է տեղի ունեցել Երևանում։

Ժամը 18:00-ի սահմաններում՝ Աբովյան փողոցում՝ «ՍԱՍ» սուպերմարկետի դիմաց, բախվել են Երևանի բնակիչներ 20-ամյա Էրիկ Կարապետյանի վարած Chevrolet Malibu մակնիշի և 40-ամյա Քրիստինա Հայրապետյանի վարած Honda fit մակնիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը՝ բախման հետևանքով Honda-ն գլխիվայր շրջվել է։

Օպերատիվորեն ժամանել են նաև շտապօգնության բժիշկների հերթապահ խումբը, ովքեր տեղում առաջին բուժօգնությունն են ցուցաբերել վարորդներին, սակայն վերջիններս հրաժարվել են հիվանդանոց մեկնելուց։

Օպերատիվորեն ժամանել են նաև ՀՀ ՆԳՆ փրկարար ծառայության Երևանի թիվ 5-րդ հրշեջ-փրկարարական ջոկատից 1 մարտական հաշվարկ։

Ժամանել են նաև ապահովագրական ընկերությունների ներկայացուցիչները։

Վթարի փաստով ՊԾ Երևանի գնդի 3-րդ գումարտակում նյութեր են նախապատրաստվում։ Վարորդները ենթարկվել են սթափության փորձաքննության, եղել են սթափ։