Գոռ Ավետիսյանը դիմումը գրել է, բայց այն դեռ չի հաստատվել
Այսօր մամուլում տեղեկություն տարածվեց, որ Ճանապարհային դեպարտամենտ հիմնադրամի տնօրեն Գոռ Ավետիսյանն ազատվել է զբաղեցրած պաշտոնից: Տեղեկության վերաբերյալ, սակայն, որևէ պաշտոնական հաստատում չկար:
Mediahub-ին հաջողվեց կապ հաստատել Ճանապարհային դեպարտամենտի հետ, որտեղից հայտնեցին հետևյալը.
«Գոռ Ավետիսյանը գործադիր տնօրենի պաշտոնից ազատման դիմում է ներկայացրել, որը դեռ չի հաստատվել «Ճանապարհային դեպարտամենտ» հիմնադրամի հոգաբարձուների խորհրդի կողմից»:
Թե որն է ազատման դիմում գրելու պատճառը, դեպարտամենտից չհայտնեցին:
Վահե Մակարյան
