Լավրովը հայտարարել է, որ Ռուսաստանը պատրաստ է Ուկրաինայի հետ բանակցություններ վարել առանց նախապայմանների

Ռուսաստանը պատրաստ է Ուկրաինայի հետ ուղիղ բանակցություններ սկսել առանց նախապայմանների։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը Բրազիլիայում ԲՐԻԿՍ-ի արտաքին գործերի նախարարների հանդիպումից հետո կայացած մամուլի ասուլիսում, հաղորդում է ՏԱՍՍ-ը։

Նրա խոսքով՝ նման շփումների մեկնարկային կետը դարձավ նախագահ Վլադիմիր Պուտինի նախաձեռնությունը՝ Հաղթանակի 80-ամյակի ընթացքում ժամանակավոր զինադադար կնքելու վերաբերյալ։

Լավրովը շեշտել է, որ Մոսկվան Կիևի 30-օրյա հրադադարի պահանջը դիտարկում է որպես նախապայման, որը հակասում է անհապաղ երկխոսության գաղափարին։

«Մեր առաջարկը, որը հնչեցրել է նախագահ Պուտինը, ուղիղ բանակցությունների սկիզբն է՝ առանց որևէ պահանջի «սկզբում», - բացատրել է նախարարը։

Երկուշաբթի օրը Վլադիմիր Պուտինը հայտարարել է հրադադարի մասին Հաղթանակի 80-ամյակի տոնակատարության ողջ ընթացքում։ Այն ուժի մեջ կլինի մայիսի 7-8-ի կեսգիշերից մինչև մայիսի 10-11-ի կեսգիշերը։ Ռուսաստանի առաջնորդը նախորդ հրադադարի մասին հայտարարեց Զատկի օրը։