Քննչական կոմիտեն, տեսնելով «Հայրենիք» կուսակցության հայտարարությունը, որոշեց հաստատել դրա իրավացիությունը, որովհետև խոսքն այն նույն քրեական գործի մասին է, որի մասով կար խափանման միջոց, որը, իբր, պարոն Աշոտյանը խախտել է: Այս մասին ՔԿ-ի մոտ լրագրողների հետ ճեպազրույցում ասաց փաստաբան, «Հայրենիք» կուսակցության խոսնակ Սոս Հակոբյանը՝ անդրադառնալով ՔԿ-ի պարզաբանմանը, թե Արմեն Աշոտյանը խափանման միջոցն է խախտել և ձերբակալվել:
Նա նշեց՝ ինչո՞ւ Արմեն Աշոտյանը պետք է լինի անազատության մեջ, քանի դեռ դատարանը չի կայացրել վճիռ.
«Հասկանալի է, որ պարոն Աշոտյանը չի պատրաստվում հեռանալ ՀՀ-ից՝ դա հասկանալի է իր ամենօրյա խոսքից և վարքագծից: Նա ամեն օր հանդես է գալիս խիստ քննադատական հարցազրույցներով, գրառումներով: Աշոտյանը հանրության համար վտանգավոր անձ չի՝ ոչ նախկին-ներկա օլիգարխ է, ոչ աչքի է ընկել բռնության դեպքերով, այսինքն նա հանրության համար վտանգ չի ներկայացնում: Նա ընդդիմադիր գործիչ է, որը շատ խիստ քննադատում է իշխանություններին: Այստեղ չկա քրեադատավարական օրինաչափ հետանպդվող նպատակ, որի մասին մանրամասն կխոսի Արմեն Աշոտյանի փաստաբանը»,- ասաց Սոս Հակոբյանը:
Սա քաղաքական հետապնդում է ևս մեկ անձի նկատմամբ, շարունակեց նա, ով բարձրաձայնում է իշխանությունների ապօրինությունները, հատկապես այն թեմաների վերաբերյալ, որոնք վերաբերում են մեր երկրի անվտանգությանն ու սուվերենության կորստին, Արցախինին:
Մանրամասները՝ տեսանյութում