Ո՞վ է արժանի «Ոսկե գնդակին»․ Գվարդիոլան խոսել է Մեսսիի և Հոլանդի մասին
Պեպ Գվարդիոլան արտառոց պատասխան է տվել այն հարցին, թե արդյոք «Մանչեսթեր Սիթիի» հարձակվող Էրլինգ Հոլանդն արժանի է «Ոսկե գնդակը» նվաճելուն։
«Սիթիի» մարզչին հարցրել են. «Ես գիտեմ, որ Դուք ֆուտբոլում անհատական մրցանակների երկրպագու չեք, բայց 10 օրից տեղի կունենա «Ոսկե գնդակի» հանձման արարողությունը, և կան երկու անհավանական պատմություններ»:
«Մեսսին Արգենտինայի հետ, իսկ Հոլանդը՝ այստեղ՝ թրեբլով, եթե ձայն ունենայիք, ո՞ւմ օգտին կքվեարկեիք»,- հարցրել է լրագրողը։
Գվարդիոլան պատասխանել է. «Հահահա. Դուք այնքան զվարճալի եք»:
«Ես միշտ ասել եմ, որ «Ոսկե գնդակը» պետք է լինի երկու բաժին․ մեկը՝ Մեսսիի համար, իսկ հետո փնտրեք մյուսներին։ Այսպիսով, Հոլանդը պետք է հաղթի, այո: Մենք նվաճեցինք թրեբլը, իսկ նա 50 միլիոն գոլ խփեց։ Մեսսիի վատագույն սեզոնը լավագույնն է մնացածի համար»,- նշել է նա։
Նա հավելել է. «Նրանք երկուսն էլ արժանի են դրան, ի՞նչ եմ կարող եմ»:
