Հոլիվուդյան դերասան Դուեյն «Ժայռ» Ջոնսոնը Հելոուինի առթիվ ստացել է լեգենդար անգլիացի ֆուտբոլիստ Դեյվիդ Բեքհեմի տեսքը։

Նա տեսանյութ ու լուսանկարներ է հրապարակել։ Դերասանը կրում է Բեքհեմի՝ մանչեսթերյան ժամանակաշրջանի 7 համարը և շեկ կեղծամ։

«#7 խաղադաշտում
#1 ձեր սրտում»,- գրել է «Ֆորսաժի» դերասանը։

Անգլիացին արձագանքել է. նա իր ինստագրամյան էջում հրապարակել է այս լուսանկարներն ու գրել. «Եվ հաղթողը @therock-ն է։ Լավ տեսք ունի, ես գիտեմ, թե ինչ եմ անելու հաջորդ տարի»։

Մադրիդի «Ռեալի», «Միլանի», «Պարի Սեն Ժերմենի», «Լոս Անջելես Գելեքսիի» նախկին կիսապաշտպանն այժմ «Ինտեր Մայամի» ակումբի համասեփականատերն է։ Ակումբում հանդես է գալիս Արգենտինայի ավագ Լիոնել Մեսսին։