Ջուլիանա Պասկուարելլան, ով բնակվում է ԱՄՆ Վիրջինիա նահանգում, ուշադրություն չի դարձրել մաշկի վրա հայտնված ցաներին՝ դրանք համարելով անվնաս, և հրաշքով խուսափել է մահից՝ ներքին արյունահոսությունից։
19-ամյա աղջիկը ուշադրություն չի դարձրել մարմնի վրա հանկարծակի հայտնված փոքրիկ կարմիր բծերին, քանի որ դրանք շփոթել է սովորական ցանի հետր։ Սակայն 15 րոպե հետո քթից արյուն է հոսել։ Մեկ ժամվա ընթացքում ցանը վերածվել է կապտուկների, առաջացել է սրտխառնոց, հոգնածություն։
Ամերիկուհին գնացել է հիվանդանոց, և արյան անալիզները ցույց են տվել, որ նրա արյան մեջ թրոմբոցիտների խիստ ցածր քանակ կա՝ 3 հազար՝ 150-ից 450 հազար մեկ միկրոլիտրում։
Բժիշկները նրա մոտ ախտորոշել են աուտոիմուն հիվանդություն, որի դեպքում արյան մեջ թրոմբոցիտների քանակը նվազում է, և արյան մակարդումը խանգարվում է: Այս պաթոլոգիան հազվադեպ է և չափազանց վտանգավոր, կարող է մահացու լինել:
Աղջկա կյանքը փրկելու համար բժիշկները նրան թրոմբոցիտների երեք 7-ժամյա փոխներարկում են արել։