ԵՄ-ն իր պատրաստակամությունն է հայտնել էլեկտրաէներգիա մատակարարել Ուկրաինային դրա պակասի դեպքում: Երկիրը կարող է ոչ միայն էլեկտրաէներգիա փոխանցել, այլև ստանալ։ Այս մասին УНИАН գործակալությանը հայտնել է էներգետիկայի հարցերով եվրահանձնակատար Կադրի Սիմսոնը, ով այցով ժամանել է Կիև։
«Առաջին քայլն արվել է դեռ մարտին, երբ մենք սինխրոնիզացրինք Ուկրաինայի էներգետիկ ցանցը մայրցամաքային Եվրոպայի ցանցի հետ։ Սա նշանակում է, որ Ուկրաինան կարող է և՛ արտահանել, և՛ էներգակիրներ ներմուծել ԵՄ-ից»,- ասել է հանձնակատարը։
Այն ծավալները, որոնք Եվրամիությունը պատրաստ է փոխանցել Կիև, Սիմսոնը չի հստակեցրել։
Ուկրաինայի պետական էներգետիկ ընկերությունը ավելի վաղ հայտնել էր, որ հոկտեմբերի 27-ին առաջին անգամ փորձնական ռեժիմով հաջողվել է էլեկտրաէներգիա ներկրել Սլովակիայից։