Ըստ ռուսական մամուլի՝ Ադրբեջանը հրետակոծել է Գեղարքունիքում ՌԴ անվտանգության դաշնային ծառայության սահմանապահների տեղակայման վայրը։ Վնասվել է շենքը, ինչպես նաև խաղաղապահ ուժերի ռազմական մեքենաները: 

Անձնակազմը լքել է տեղակայման վայրը: Զոհերի և վիրավորների մասին տեղեկություն չկա: 

Ի՞նչ է կատարվել իրականում, էլ ի՞նչ վնասներ է կրել ռուսական կողմը․ թեմայի շուրջ MedaiHub.am-ը զրուցեց Սոթքի համայնքապետ Սևակ Խաչատրյանի հետ։ 

Նա, սակայն, որևէ տեղեկություն չուներ։

«Անկեղծ եմ ասում, որ ձեզնից եմ լսում այդ մասին, որևէ ինֆորմացիա չունեմ»,- ասաց նա։ 

ԱԱԾ-ից էլ մեկնաբանություն չեղավ, քանի որ թեմայի շուրջ խոսելու իրավասություն չունեն.

«Թեմայի շուրջ մեկնաբանություն տալ չենք կարող, մեր իրավասության տիրույթում չէ»,- MediaHub.am-ի հետ զրույցում ասացին ԱԱԾ լրատվական բաժնից։

Հիշեցնենք, ավելի վաղ Ռուսաստանի ԱԴԾ Սահմանապահ վարչությունից ևս չմեկնաբանեցին Ադրբեջանի կողմից ռուսական սահմանապահ ուժերի տեղակայման կետին հրետանային հարվածներ հասցնելու լուրը:

Նարե Գնունի