Թրամփի վարչակազմը սխալմամբ նամակներ է ուղարկել ուկրաինացիներին՝ կոչ անելով հեռանալ ԱՄՆ-ից
ԱՄՆ նախագահ Դոնալդ Թրամփի վարչակազմը սխալմամբ նամակներ է ուղարկել ուկրաինացիներին՝ կոչ անելով հեռանալ երկրից, գրել են ԶԼՄ-ները։
ԱՄՆ-ի ուկրաինացիները, ովքեր օրինական կերպով Ամերիկայում են հումանիտար ծրագրերով, այս շաբաթ սկսել են նամակներ ստանալ՝ լքելու երկիրը յոթ օրվա ընթացքում, քանի որ նրանց կարգավիճակը չեղարկվել է, այլապես «դաշնային կառավարությունը կգտնի նրանց»:
ԱՄՆ դաշնային ծառայությունների կողմից մարդկանց փնտրելու սպառնալիքներով նամակներ են ստացել մի քանի ուկրաինացիներ այս շաբաթվա ընթացքում։ Չնայած հումանիտար ծրագրերի պայմաններով ԱՄՆ-ում օրինական մնալուն, նամակում քաղաքացիների կարգավիճակը սահմանվել է որպես անօրինական՝ «այն չեղարկվելու պատճառով»։
Ուկրաինացիներին 7 օր ժամանակ է տրվել ԱՄՆ-ից հեռանալու համար, իսկ հետո ծառայությունները պետք է համապատասխանաբար փնտրեին նրանց։ Նման նամակներ ստացվել են էլեկտրոնային փոստով։
ԱՄՆ ներքին անվտանգության նախարարության խոսնակը հրապարակավ հայտարարել է, որ նամակները պատահաբար են ուղարկվել:
