Ուրալում ավտոբուսի մասնակցությամբ վթարից տուժածների թիվը հասել է տասի

Եկատերինբուրգի մերձակայքում գտնվող Ռեժևսկի տրակտում ավտոբուսի հետ վթարի հետևանքով տուժածների թիվը հասել է 10-ի, նրանցից երկուսի վիճակը ծանր է, հայտնում է մարզային առողջապահության նախարարության մամուլի ծառայությունը։

Հինգշաբթի Եկատերինբուրգ-Ռեժ-Ալապաևսկ մայրուղու 66-րդ կիլոմետրում Կոստուսովո գյուղից Օզերնի մեկնող սովորական ավտոբուսի վարորդը երկրորդական ճանապարհից դեպի գլխավոր ճանապարհ դուրս գալիս բախվել է Lada Largus մակնիշի ավտոմեքենայի։ Ինչպես հայտնում են մարզային ճանապարհային ոստիկանությունից, ավտոմեքենայի վարորդը տեղում մահացել է, իսկ երթուղայինի չորս ուղեւորներ վիրավորվել են։