Դրամի փոխարժեքը՝ այսօր
Եղանակը՝ այսօր
Ժամանց ՍՊՈՐՏ

Նիդեռլանդները տուն ուղարկեց Թուրքիային․ կիսաեզրափակչում կխաղա Անգլիայի դեմ (տեսանյութեր)

Blog Image

Նիդեռլանդները տուն ուղարկեց (2-1) Թուրքիային․ կիսաեզրափակչում կխաղա Անգլիայի դեմ

35-րդ րոպեին Թուրքիան առաջ անցավ հաշվի մեջ։ Մադրիդի «Ռեալի» կիսապաշտպան Արդա Գյուլերի փոխանցումից հետո պաշտպան Սամեթ Աքայդինը գլխի հարվածով դարձավ գոլի հեղինակ։

70'-ին Նիդեռլանդների հաջողվեց մի շարք ջանքերից հետո հավասարեցնել հաշիվը։ Հարձակվող Մեմֆիս Դեպայի փոխանցումից հետո «Ինտերի» պաշտպան Ստեֆան դե Ֆրեյը գլխի ուժգին հարվածով գրավեց դարպասը։



Իսկ արդեն 5 րոպե անց հոլանդացիները հաշվի մեջ առաջ անցան։ Եզրային Դենզել Դումֆրիսի փոխանցումից հետո Կոդի Գակպոյի հետ գնդակի համար պայքարելիս պաշտպան Մերթ Մյուլդուրը գնդակն ուղարկեց սեփական դարպասը։ Սկզբում դարպասի գրավումը գրանցվել էր «Լիվերպուլի» հարձակվողի անվան տակ, սական մի քանի րոպե անց ՈՒԵՖԱ-ն փոխեց գոլի հասցեատիրոջը։

Ստեֆան դե Ֆրեյը ճանաչվեց Թուրքիայի դեմ հաղթական հանդիպման խաղացող։

Կիսաեզրափակիչում կլինի Նիդեռլանդներ - Անգլիա հանդիպումը։


Բաժանորդագրվեք տելեգրամյան ալիքին MediaHub

Send