Ռուսաստանին Ղրիմի վերամիավորումից հետո ռուսական գազի գնումը շարունակելու Գերմանիայի որոշումը սխալ չէր։ Այդ մասին Zeit-ին տված հարցազրույցում հայտարարել է Գերմանիայի նախկին կանցլեր Անգելա Մերկելը։
«Սխալ չէր էլի մի քանի տարի էժան գազ ստանալը»,- ասել է նախկին կանցլերը։
Մերկելը հավելել է, որ դրան հաջորդած ճիշտ որոշում էր՝ խզել էներգետիկ հարաբերությունները Ռուսաստանի հետ։ Նախկին կանցլերը նշել է, որ մինչ Ռուսաստանի հետ հակամարտությունը Ուկրաինան դեմ չէր ռուսական գազի մատակարարմանը եվրոպական երկրներ, այլ միայն ցանկանում էր, որ այդ գազը հոսի ուկրաինական տարածքով։
Մերկելը նշել է, որ եթե այն ժամանակ խոսեր գազի գնումները դադարեցնելու մասին, Ուկրաինան կարող էր դադարեցնել տարանցման համար գումար ստանալը, և արդյունքում նախկին կանցլերը կքննադատվեր։
Մերկելը, ի թիվս այլ բաների, ընդգծել է, որ հաշվի առնելով աշխարհում տիրող իրավիճակը, եվրոպական երկրները պետք է միասին մնան, և որ ինքը դրան ձգտել է «կանցլեր եղած 16 տարիների ընթացքում»։