Բժիշկը զգուշացրել է քնի պակասի վտանգի մասին․ կարող են նաև օրգանների պաթոլոգիաներ առաջանալ
Եթե անընդհատ քիչ եք քնում, ապա կարող են առաջանալ օրգանների պաթոլոգիաներ, Газета.Ru-ին ասել է նյարդաբան Վյաչեսլավ Անանենկոն։
Նրա խոսքով՝ քնի պակասը հանգեցնում է նաև հիպոթալամուսի վնասմանը։
Քնի քրոնիկ պակասը, նույնիսկ ընդամենը մեկ կամ երկու ժամ, հանգեցնում է օրգանների բջիջների մնացորդային վնասների, որոնք ուղեղը չի հասցրել ամբողջությամբ վերականգնել քնի կրճատված ժամանակահատվածում: «Հետագա քնի պակասի դեպքում խափանումների քանակն ավելանում է ընդհանուր օրգանի և մարմնի համակարգի պաթոլոգիայի վրա»,- բացատրել է նյարդաբանը:
Անանենկոն նշել է, որ եթե անհրաժեշտից քիչ եք քնում, ապա խնդիրներ կսկսվեն բոլոր ներքին օրգանների և էնդոկրին գեղձերի կառավարման կենտրոնում։ Այս դեպքում հիպոթալամուսը սկսում է մեծացնել կորտիզոլի՝ սթրեսի հորմոնի սեկրեցումը, որը վնասակար ազդեցություն է ունենում սրտանոթային համակարգի, վահանաձև գեղձի և մակերիկամների վրա։
Արդյունքում՝ դա կարող է հանգեցնել այնպիսի հիվանդությունների, ինչպիսիք են սրտի ռիթմի խանգարումները՝ սրտի զարկերի հաճախականության և առիթմիայի տեսքով, արյան ճնշման անկայունություն, դիսպեպսիա՝ մարսողության խանգարման և գաստրալգիայի տեսքով և այլն»,- ընդգծել է բժիշկը։
Բժիշկը հավելեց, որ կարող են ի հայտ գալ նաև դյուրագրգռություն, անհանգստության և դեպրեսիայի հակում, նևրասթենիա, տրամադրության փոփոխություններ ու մարմնի տարբեր մասերում սոմատոֆորմ ցավեր։
Ավելի վաղ սոմնոլոգ Միխայիլ Պոլուեկտովն ասել էր, որ քնի պակասի պատճառով օրգանիզմի պաշտպանիչ գործառույթները կարող են նվազել։ Նրա խոսքով՝ քնելու հետ կապված խնդիրները հաճախ կապված են ուղեղի ակտիվացնող համակարգերի հիպերակտիվության հետ։
