Ուկրաինան դիմել է Միացյալ Նահանգներին՝ կոչ անելով  նրան տրամադրել հզոր անօդաչու սարքեր եւ հրթիռներ՝ հույս ունենալով, որ Վաշինգտոնը կչեղարկի իր նախորդ մերժումը։

Ուկրաինայի պաշտպանության նախարար Ալեքսեյ Ռեզնիկովը նոյեմբերի 2-ի նամակում խնդրել է չորս անօդաչու ավիացիոն համալիրներ կամ MQ-1C Grey Eagle անօդաչու սարքեր, իսկ առանձին փաստաթղթերում նույնիսկ հակաանօդաչու հրթիռ, հաղորդում է Reuters-ը: 

Մոտ 10 միլիոն դոլար արժողությամբ անօդաչու սարքերը, ինչպես նաեւ AGM-114l կամ LONGBOW հրթիռները կամրապնդեն Ուկրաինայի քաղաքացիական ՀՕՊ-ը եւ կօգնեն դիմակայել Ռուսաստանի կողմից իրանական արտադրության կամիկաձե անօդաչու սարքերի աճող օգտագործմանը։

Միացյալ Նահանգները մերժել է Կիեւի նախորդ խնդրանքը՝ մտավախություն ունենալով, որ դրանք կարող են խոցվել, ինչպես նաեւ Ուկրաինային պետք չեն ռազմական գործողությունների համար եւ կարող են հանգեցնել հակամարտության սրման:

Պենտագոնի ներկայացուցիչ, փոխգնդապետ Գարոն Գարնը հրաժարվել է մեկնաբանել Ուկրաինական կոնկրետ հարցումները։ «Մեր աջակցությունը կենտրոնացած է ընթացիկ մարտերին առնչվող սարքավորումների վրա»,-ասվում է Գարնի հայտարարության մեջ։

 NEWS.am