Իրադրության գնահատականը չի փոխվել Կառավարության նախորդ նիստից ի վեր։ Այս մասին այսօր լրագողների հետ զրույցում ասաց ՀՀ վարչապետ Նիկոլ Փաշինյանը՝ խոսելով սահմանին թշնամու կողմից զորք և զինտեխնիկա կուտակելու մասին։
Անդրադառնալով ՀՀ-ՌԴ հարաբերություններին, Փաշինյանը նշեց․
«Ես ելնում եմ ՌԴ իմ գործընկեր, ՌԴ նախագահի հայտարարություններից, մնացածը աշխատանքային գործընթացներ են։ ՌԴ ղեկավարը, իմ գործընկերն ասաց, որ Հայաստանի հետ խնդիրներ չկան և Հայաստանի վարչապետի հետ էլ խնդիրներ չկան»։
Հարցին, թե հոկտեմբերի 5-ին Գրանադայում կայանալիք հանդիպմանը որևէ փաստաթղթի ստորագրում սպասվում է, թե ոչ, վերջինս պատասխանեց․
«Ցավոք սրտի՝ ոչ։ Երևանն ամեն ինչ անում է խաղաղության պայմանագիրը մինչև տարեբերջ կամ հաջորդ տարվա սկիզբ ստորագրելու համար: Ուզում եմ այս ընկալումը փոխանցել»։
Մանրամասները՝ տեսանյութում