Ռուսաստանի և ԱՄՆ նախագահներ Վլադիմիր Պուտինը և Դոնալդ Թրամփը ձեռնպահ են մնացել մամուլի համար մեկնաբանություններ տալուց առաջնորդների բանակցությունների սկզբում, հաղորդում է ՏԱՍՍ-ը։
Օգոստոսի 15-ին Պուտինը և Թրամփը բանակցություններ կանցկացնեն Ալյասկայում։ Հիմնական թեման Ուկրաինայում խաղաղությունն է։ Հանդիպումը նախատեսված է Մոսկվայի ժամանակով ժամը 22:00-ին և կսկսվի դեմ առ դեմ զրույցով։ Քննարկվող առաջարկները կարող են ներառել տարածքների փոխանակում և Կիևի կողմից ՆԱՏՕ-ին անդամակցելուց հրաժարվելը։ Հանդիպման ընթացքում կքննարկվեն նաև Ռուսաստանի և ԱՄՆ-ի միջև տնտեսական համագործակցության հարցեր։
Ռուսաստանի արտաքին գործերի նախարար Սերգեյ Լավրովը և ԱՄՆ-ում դեսպան Ալեքսանդր Դարչիևն արդեն ժամանել են Անքորիջ։ Գագաթնաժողովին կմասնակցեն նաև նախագահի օգնական Յուրի Ուշակովը և պաշտպանության նախարար Անդրեյ Բելոուսովը։
Ռուսական պատվիրակության կազմում են նաև նախագահի օգնական Յուրի Ուշակովը, պաշտպանության նախարար Անդրեյ Բելոուսովը, ֆինանսների նախարար Անտոն Սիլուանովը և Ռուսաստանի առաջնորդի արտասահմանյան երկրների հետ ներդրումների և տնտեսական համագործակցության հարցերով հատուկ ներկայացուցիչ Կիրիլ Դմիտրիևը։