Թալանել են Երևանի քաղաքապետարանի շտապօգնության տնօրեն Թագուհի Ստեփանյանի ամառանոցը: Լուրը MediaHub-ի հետ զրույցում հաստատեց Ստեփանյանը՝ նշելով, որ խոսքն իր հայրական տան մասին է՝ ամառանոցի, որը գտնվում է Գողթ գյուղում:
Դեպքը տեղի է ունեցել մի քանի օր առաջ, բայց ինքը հայտնաբերել է երեկ, երբ գնացել է ամառանոց.
«Կարծում եմ՝ ուղղակի են մտել, տեսել են, որ մարդ չի ապրում... երեք նկար են գողացել», - ասաց նա՝ շեշտելով, որ «ամառանոցում դժվար թանկարժեք նկար լիներ», այնպես որ թանկարժեք նկարի մասին չէ:
Թագուհի Ստեփանյանը նշեց, որ իրավապահները զբաղվում են գործով, իսկ ինքը կոնկրետ որևէ կասկածներ չունի, թե ով կամ ովքեր կարող են լինել հանցագործները: