Սալոմե Զուրաբիշվիլին փաստացի Վրաստանի նախագահը չէ սահմանադրությունը խախտելուց հետո։ Այս մասին հայտարարել է Վրաստանի վարչապետ Իրակլի Կոբախիձեն։
«Նա Վրաստանի նախագահը չէ, Սալոմե Զուրաբիշվիլին ինքն է ճանաչել Սահմանադրական դատարանի լեգիտիմությունը։ Եվ Սահմանադրական դատարանն է, որը գտել է, որ Սալոմե Զուրաբիշվիլին ոչ լեգիտիմ նախագահ է, որ նա սահմանադրությունը խախտած նախագահ է։ Միակ բանը, որի շնորհիվ Սալոմե Զուրաբիշվիլին պաշտոնապես պահպանում է նախագահի պաշտոնը, դա «Ազգային շարժման» [ընդդիմադիր «Միացյալ ազգային շարժում» կուսակցության] աջակցությունն է»,- ճեպազրույցում ասել է Կոբախիձեն։
Նրա խոսքով` այն բանից հետո, երբ ընդդիմությունը խորհրդարանում չքվեարկեց Զուրաբիշվիլիի իմփիչմենթի օգտին, նա դարձավ «ոչ թե Վրաստանի նախագահը, այլ Ազգային շարժման նախագահը և Ազգային շարժման մի սովորական խամաճիկը»։