Նռան հյութն ու մեղրը օգնո՞ւմ են քաղցկեղի դեմ բուժմանը
Սոցցանցերում սկսել է տարածվել նռան հյութից ու մեղրից պատրաստված ըմպելիքի բաղադրատոմսը, որն իբր օգնում է քաղցկեղի դեմ։
Հեղինակները առաջարկում են այն խմել ամեն օր՝ կանխարգելելու համար, այդ թվում՝ երեխաները։
aif.ru-ն պարզել է, թե արդյո՞ք նման ըմպելիքն իսկապես ունի նման բուժիչ հատկությունները։
Կան բազմաթիվ հետազոտություններ, որոնք ապացուցում են, որ նռան հյութը դրական ազդեցություն ունի քաղցկեղի բուժման գործում։ Մասնավորապես, պարզվել է, որ այս ըմպելիքի կոնկրետ բաղադրիչներն արգելակում են մետաստազները շագանակագեղձի և կրծքագեղձի քաղցկեղի բջիջներում։ Այս ըմպելիքի առաջին կլինիկական փորձարկման արդյունքները շագանակագեղձի քաղցկեղով հիվանդների մոտ հրապարակվել են 2006թ.-ին։
2012 թվականին հրապարակվեց մի հետազոտություն, որում ասվում էր, որ «Նռան հյութը և հատուկ բաղադրիչները արգելակում են բջջային և մոլեկուլային գործընթացները, որոնք կարևոր են կրծքագեղձի քաղցկեղի մետաստազիայի համար»: Հեղինակները եզրակացրել են, որ նռան հյութը կամ դրա բաղադրիչների համակցությունը՝ «լյուտեոլին + էլագիկ թթու + պունինաթթու» արգելակում է կրծքագեղձի քաղցկեղի բջիջների աճը, ինչպես նաև մեծացնում է քաղցկեղի բջիջների կպչունությունը և նվազեցնում նրանց արտագաղթը։ Բացի այդ, պարզվել է, որ նռան հյութը կամ դրա երեք բաղադրիչների համակցությունը զգալիորեն նվազեցնում է ցիտոկինի/քիմոկինի մակարդակը և դրանով իսկ պոտենցիալ նվազեցնում է բորբոքումն ու դրա ազդեցությունը քաղցկեղի առաջընթացի վրա:
Հեղինակները կարծում են, որ նռան հյութը կարող է պոտենցիալ արդյունավետ լինել քաղցկեղի ընդհանուր առաջընթացը կանխելու համար:
Բժիշկները գիտակցում են նաև նռան հյութի օգտակարությունը ուռուցքաբանության համար։ Իմունոլոգ Անդրեյ Պրոդեուսը «Ապրիր առողջ» հաղորդման ժամանակ հայտարարել է, որ նուռը քաղցկեղի կանխարգելման ամենաարդյունավետ միրգն է։ Նա այս ազդեցությունը բացատրել է նրանով, որ 100 գրամ նուռը պարունակում է ֆլավոնոիդների օրական չափաբաժնի 70 տոկոսը՝ նյութեր, որոնք օգնում են օրգանիզմին պայքարել քաղցկեղային բջիջների դեմ: «Ֆլավոնոիդներով հարուստ մրգեր ուտելը օգտակար է։ Իսկ սրանց մեջ չեմպիոնը նուռն է»,- ասաց իմունոլոգը։
Ռոսկաչեստվոն նշում է նաև, որ գիտական հետազոտությունների համաձայն՝ նռան հյութ խմելը կարող է նվազեցնել քաղցկեղի որոշ տեսակների առաջացման վտանգը։ Զեկույցում նշվում է, որ նռան պտուղները պարունակում են 15 ամինաթթուներ՝ ավելի շատ, քան ցանկացած այլ միրգ։ Բացի այդ, այն պարունակում է անտոցիանիններ, իզոֆլավոնոիդներ և հակաօքսիդանտներ, որոնք, ինչպես նշվեց, բարելավում են բոլոր ներքին օրգանների աշխատանքը:
Միևնույն ժամանակ, շարունակվում են նռան հյութի արդյունավետությունը քաղցկեղի բուժման և կանխարգելման գործում որոշելու աշխատանքները։ Դեռևս հստակ հաստատված չէ, թե որքան և ինչ մթերքների հետ միասին, օրինակ՝ մեղրով, պետք է նռան հյութ խմել՝ քաղցկեղը կանխելու կամ բուժելու համար։ Բացի այդ, նռան հյութը հակացուցված է բազմաթիվ հիվանդությունների դեպքում, ուստի ոչ բոլորն են կարող այն խմել նույնիսկ կանխարգելիչ նպատակներով։
Ո՞ւմ է հակացուցված նռան հյութը.
Մասնագետները նշում են, որ նռան հյութի անվտանգ օրական ընդունումը կազմում է 200–250 մլ։ Դրա չափից ավելի օգտագործումը կարող է առաջացնել արյան ճնշման բարձրացում, գլխապտույտ, տեսողության խանգարում, փորկապություն, կոլիտ, գաստրիտների կամ խոցերի անցում խրոնիկից սուր: Այս առումով, նռան հյութը հակացուցված է զարկերակային հիպերտոնիայի, լեղապարկի և ենթաստամոքսային գեղձի հիվանդությունների սուր փուլում և բազմաթիվ այլ աղեստամոքսային հիվանդությունների ժամանակ օգտագործելը։
