Նորվեգիայի Ֆյորդե քաղաքում ընթացող ծանրամարտի աշխարհի առաջնության յոթերորդ օրը մրցահարթակ դուրս եկավ կանանց Հայաստանի թիմի միակ ներկայացուցիչը՝ 77 կգ քաշային Աննա Ամրոյանը։ Այս մասին հայտնում է Armsport-ը։

19-ամյա ծանրորդուհին B ենթախմբում պոկեց 100 կգ և հրեց 130 կգ։ Երկամարտում նա գրանցեց 230 կգ արդյունք՝ զբաղեցնելով չորրորդ տեղը։

Կանանց 77 կգ քաշայինների A ենթախմբի մրցաշարը կմեկնարկի Երևանի ժամանակով 21:30-ին։