Հայաստանում Արցախի նախագահ Արայիկ Հարությունյանին և ԱԺ խմբակցությունների ղեկավարներին վստահեցրել են, որ այս պահին որևէ փաստաթուղթ, այդ թվում՝ խաղաղության պայմանագիր չկա, որը պատրաստվում է Նիկոլ Փաշինյանը ստորագրել։ Այս մասին MediaHub.am-ին վստահեցնում են Արցախից։
«Մենք տագնապած ենք Հայաստանում տիրող իրավիճակից, ինչպես նաև հակառուսական տրամադրությունների տարածումից։ Այս ամենը երկու պետությունների վրա թանկ կարող է նստել։ Արցախում հակառուսական տրամադրություններ չկան։ Եթե Ադրբեջանին հաջողվի իրագործել իր մտադրությունները Հայաստանը կիսելով, ապա Սյունիք և Արցախ գոյություն չի ունենա։ Առանց Հայաստան չկա Արցախ»,-նշում են արցախյան մեր աղբյուրները։
Արցախում ամեն վայրկյան սպասում են Ադրբեջանի կողմից նոր սադրանքների, ուստի Արցախում անվտանգային սպառնալիքներին միասնական ներուժով դիմագրավելն առաջնահերթություն են համարում:
Նշենք նաև, որ Արցախից Հայաստան ժամանածներին Հայաստանում տիրող իրավիճակի վերաբերյալ շատ մանրամասներ չեն ներկայացրել։
Անի Գևորգյան